1-сәуір. Turaninform. Наразылық Парагвайда осы аптада басталған. Туу себебі, мемлекет басшысының президенттік сайлауға екі рет түсуіне рұқсат беруге қатысты. Ал, наразылықтың өрши түсуіне ел парламенті – Конгресстің жоғары палатасында (Сенат) Парагвай мемлекетінің басшысы Орасио Картестің президенттік сайлауға қайта түсуін қолдайтындардың көп дауыс алуы әсер етті.
Қарсылық білдірген жұрт парламентті басып алған. Өртеген. Парагвай астанасы – Асуньсонда ғана емес, басқа да қалаларда наразылық жүріп жатыр екен.
Парагвай президенті Орасио Картес билікке 2013-жылы келген. Бұл мемлекетте президентті бір рет бес жылға сайлайды.
Дегенмен Парагвай тарихында елін ұзақ басқарған билеуші болған. Ол – диктатор Альфредо Стресснер. Альфредо 1954-1989 жылдар аралығында билеген. Тым ұзақ билік еткені көрініп тұр. Содан халқы әбден тойған болар. Сондықтан да қайтадан диктатуралық жолға түскісі келмейтіні аңғарылады…
ПІКІРЛЕР