Астана қаласын, Қазақстан Республикасы Президенті Әкімшілігін екі реттен басқарған Әділбек Жақсыбеков зейнеткерлік жасқа толуына байланысты қызметтен босағаны белгілі. Дегенмен зейнеткерлік жасы себеп болса, былтыр неге зейнетке жіберілмеген?.. Себебі, 63 ке былтыр жазда толған еді. Керісінше, былтыр: «Мемлекет басшысының Жарлығымен «Қазақстан Республикасының мемлекеттік қызметі туралы» Қазақстан Республикасы Заңына сәйкес Қазақстан Республикасы Президенті Әкімшілігінің Басшысы Әділбек Рыскелдіұлы Жақсыбековтің өкілеттігі зейнеткерлік жасқа толған күннен бастап 2022 жылғы 26 шілдені қоса алғандағы мерзімге дейін ұзартылды» (akorda.kz).
Бір емес, бес жылға өкілеттігі ұзартылған шенеунік сонда басқа қандай себептен кетті?.. Әйтеуір, Қазақстан Грузиядан 0:2 есебімен жеңілгені үшін кетпегені анық…
Құрманғали Нұрғали
ПІКІРЛЕР