Қытайда «ән айтатын» автожол пайдалануға берілмек

3-желтоқсан. Turaninform. Қазағымызда «Естімеген елде көп» деген ескіден бергі сөз бар. Техникасы дамыған, 1,5 миллиардтай халқы бар Қытайда «естімеген» тіптен көп шығар. Мысалы, көрші ел жақында «ән айтатын» автожол салыпты. Бұл туралы Sina.com.cn. порталына сілтеме жасап, сегодня.уа хабарлады.

«300 метрдей автожолда 35-40 км/с жылдамдықпен жүрген көліктің «Отанға мадақ» атты Қытай әнінен үзіндіні еске түсірер әуенді тыңдауына мүмкіндігі бар» (сегодня.уа). Бұл шахта тоқтағасын сырттап қалған бұрынғы жол бойы екен. Автожолды 2017-­жылдың көктемінде пайдалануға беру жоспарланған.